1 мамыр - Қазақстан халықтар бірлігі күніне өткізілген іс-шара анықтамасы
Мақсаты: 1 мамыр Қазақстан халықтар бірлігі күні екенін оқушыларға жеткізу; Ынтымақтыққа, достыққа, өз Отанын сүюге, қорғауға тәрбиелеу.
«№3 Қабанбай орта мектебі мектеп жасына дейінгі шағын орталығы бар» коммуналдық мемлекеттік мекемесінде 1 мамыр - Қазақстан халықтар бірлігі күніне орай іс-шара жұмыс жоспары құрылып, бекітілді. Жоспар бойынша іс-шаралар ұйымдастырылып, өткізілді. Мерекеге орай мектеп ауласы түрлі түсті тулармен безендірілді. Сыныптар арасында «Бір шаңырақ астында» атты байқау өткізілді. Байқау барысында сыныптар таңдаған ұлттары бойынша түрлі салт-дәстүрлерін, өнерлерін көрсетіп таныстырды. Байқау соңында жүлделі орындарға ие болған сыныптар мадақтама грамотасымен марапатталды. Мектепте өскелең ұрпақты патриотизмге , жалпы ұлттық бірлік пен келісімге , жоғары мәдени адамгершілік құндылықтар рухында тәрбиелеуге Қазақстан тарихы мен мәдениетін құрметтеуге , қоғамдағы ынтымақ пен өзара қолдауға бағытталған «Достық күні», «Бірлік сабақтары» өткізілді. Бірлік күніне орай мектеп қызметкерлері, сонымен қатар оқушылар арасында эстафета және волейбол спорттық ойындары өткізілді.